استوديو إبداعي رقمي — طرابلس
نبني حضوراً رقمياً يليق بمشروعك
هوية، موقع، ومحتوى. وفوقهم نرتبولك طريقة شغلك مع الزبائن: الطلبات والردود والحجوزات والدفع. بأسعار تعرفها من البداية.
التدقيق مجاني: نشوفوا وضعك الرقمي ونقولولك شن ناقص، بلا أي التزام.
مساحة المشروع — Workspace
مقهى على البحر
- التدقيق والاتفاق
- الهوية
- الموقع والمنيوبانتظار اعتمادك
- واتساب والخرائط
- الإطلاق
نسخة المنيو جاهزة للمراجعة
اعتمادليش HYBARA
الشكل الحلو بروحه ما يجيبش زبائن
نبنيلك شكل يليق بمشروعك، ونظام يخلي الزبون يوصلك ويطلب ويدفع بسهولة.
نرتبوا ونشغّلوا، مش بس نصمموا
أغلب الناس يسلموك لوجو ويمشوا. احنا نرتبولك كمان كيف توصلك الطلبات، كيف تردّ، كيف تاخذ الحجز، وكيف يدفعلك الزبون.
تتابع مشروعك مرحلة بمرحلة
عندك مساحة خاصة تشوف فيها وين وصلنا، شن نحتاجوا منك، والملفات. وما نكملوا مرحلة لين تعتمدها.
أسعار معلنة من البداية
الباقات وأسعارها منشورة هنا في الموقع. تعرف شن تاخذ وبقداش قبل ما تحكي معانا.
الخدمات
خمس خدمات، تبدا من اللي يخلي مشروعك يشتغل
تقدر تاخذ خدمة وحدة، أو باقة تجمع اللي يناسبك.
التجهيز الرقمي للأعمال
نرتبولك واتساب بيزنس وخرائط جوجل والردود والحجوزات والدفع، باش الطلبات توصلك مرتبة.
- Google Business وخرائط جوجل
- واتساب بيزنس: كتالوج، ردود سريعة، رسائل تلقائية
- ردود آلية وبوت لماسنجر وواتساب
- تنظيم استقبال الطلبات
- نماذج حجز وتواصل
- ربط الدفع الإلكتروني المحلي: معاملات، موبي كاش، إدفعلي عن طريق DPay
الهوية والعلامة التجارية
شعار وألوان وخطوط وقوالب تخلي مشروعك يتعرف من أول نظرة.
المواقع والحلول الرقمية
مواقع ومنيو QR وحجوزات وPWA، نبرمجوها بنفسنا بلا مطور خارجي.
المحتوى
تصوير حقيقي وفيديوهات قصيرة وكتابة، بخطة شهرية واضحة.
النمو والإعلانات
إعلانات ممولة مكتوبة بالليبي، مستهدفة صح، وتقرير كل شهر.
القطاعات
نبداو بالمطاعم والعيادات
قطاعين نعرفوا مشاكلهم كويس، وجهزنالهم حلول جاهزة. باقي المشاريع مرحب بيها برضو.
المطاعم والمقاهي
منيو QR، طلبات منظمة، وتصوير أكل يفتح النفس.
- باقة قطاع بمنيو QR وطلبات
- تصوير أكل ومكان حقيقي
- واتساب بيزنس منظم بكتالوج وردود جاهزة
العيادات
حجوزات وتذكير، حضور واضح على الخرائط، وردود جاهزة.
- نظام حجوزات وتذكير بالمواعيد
- حضور منظم على خرائط جوجل
- ردود آلية للاستفسارات المتكررة
الأعمال
شغل حقيقي، بأرقام حقيقية
أول أعمالنا قريب
ما نبوش نحطولك صور منقولة ونقولولك هذا شغلنا. أول المشاريع قاعدة تنبني توا، وأول ما تنطلق تلقاها هنا بالأرقام الحقيقية.
تبي مشروعك يكون من الأوائل؟ أول العملاء ياخذوا اهتمام كامل، وأسعار الإطلاق المبدئية.
اطلب تدقيقك الرقمي المجانيطريقة الشغل
سبع خطوات، وانت معانا في كل وحدة
نتعرفوا على المشروع
قعدة أو مكالمة، نسمعوا منك شن تدير ولمن.
نفهموا الاحتياج والهدف
شن اللي ناقص توا، وشن النتيجة اللي تبيها.
نقترحوا الحل المناسب
باقة واضحة بسعر ومدة مكتوبين، بلا مفاجآت.
نخططوا ونبدؤوا التنفيذ
جدول مراحل، وكل مرحلة ليها تاريخ.
نراجعوا معاك مرحلة بمرحلة
تشوف وتعتمد كل خطوة قبل ما نكملوا.
نسلموا ونطلقوا
نسلموك كل شي ونوريوك كيف تستخدمه.
نتابعوا معاك بعد الإطلاق
اشتراك شهري يخلي كل شي شغال ويكبر.
خلينا نشوفوا وضعك الرقمي، مجاناً
نراجعوا حضور مشروعك ونبعتولك شن ناقص وشن الأولوية. لو حبيت نكملوا مع بعض، عندك أساس واضح. ولو لا، خوذ الملاحظات واستعملها.
- شن نراجعوا في التدقيق
- صفحاتك على السوشيال
- ظهورك في خرائط جوجل
- واتساب والردود
- كيف توصلك الطلبات والحجوزات